आलू टिक्की

साहित्य 

६ ते ७ मध्यम आकाराचे बटाटे,

२ ते ३ हिरव्या मिरच्या,

१ टी स्पून आमचूर पावडर,

१ टी स्पून जिरे पावडर,

१ टी स्पून लाल मिरची पावडर,

१ टी स्पून आले पेस्ट,

१ टेबल स्पून बारीक चिरलेली कोथिंबीर,

मीठ चवीनुसार,

तेल अंदाजे.

कृती 

बटाटे उकडून त्यांची साल काढून घ्या. हे बटाटे थंड झाल्यावर हाताने कुस्करून घ्या.

आता त्यात हिरव्या मिरच्या (आवडीनुसार ) बारीक चिरून, आमचूर पावडर, जिरे पावडर, लाल मिरची पावडर, आले पेस्ट, बारीक चिरलेली कोथिंबीर आणि चवीनुसार मीठ घाला व हाताने मिश्रण एकजीव करा. 

         आता हाताला तेल लावून त्यावर छोटे छोटे वरील मिश्रणाचे गोळे तयार करा. दोन्ही हाताने गोळ्याला मध्ये थोडा दाब देवून चपटे करून घ्या.

          आता एका पसरट पॅन मध्ये थोडेसे तेल गरम करून त्यावर ह्या पॅटीज दोन्ही बाजूनी सोनेरी तांबूस होईपर्यंत भाजून घ्या.

चिंचेच्या चटणीबरोबर आलू टिक्की सर्व करा.