पालक भजी

साहित्य

पालकाची पाने,

१ वाटी चणा डाळीचे पीठ,

पाव टी स्पून हळद,

अर्धा टी स्पून  ओवा,

अर्धा टी स्पून जिरे,

तिखट अंदाजे,

मीठ चवीपुरते,

तेल.

कृती

डाळीच्या पिठामध्ये हळद, ओवा, जिरे, तिखट ( आवडीप्रमाणे ) व मीठ घालून मिश्रण एकजीव करा.

आता त्यात पाणी घालून भज्याच्या पिठासारखे भिजवा.

पालकाची पाने स्वच्छ धुवून घ्या. आता भिजवलेल्या पिठात एक एक पान व्यवस्थित बुडवून गरम तेलात 

सोडा. मंद आचेवर अश्या प्रकारे पाने तळून घ्या. गरम गरम भजी सॉस किंवा चटणी बरोबर सर्व करा.