नारळी भात

साहित्य 

अडीच वाटी बासमती तांदूळ,

४ ते ५ कप नारळाचे दुध,

२ मध्यम आकाराचे कांदे,

७ ते ८ कडीपत्ता पाने,

३ ते ४ टी स्पून हळद,

२ टेबल स्पून तूप,

काजू आवडीप्रमाणे,

मीठ अंदाजे.

मसाले 

अर्धा इंच दालचिनी,

६ लवंग, ५ वेलची ठेचलेली,

७ ते ८ काळी मिरी,

कृती 

तांदूळ स्वच्छ धुवून एका भांड्यात अर्ध्या तासासाठी ठेवून द्या.

      एका पॅन मध्ये तूप गरम करा त्यात कांदे बारीक चिरून टाका, त्यात सर्व मसाले टाका, कडीपत्ता, थोडे काजू  ( आवडीनुसार ) टाका. कांदे सोनेरी, तांबूस होईपर्यंत भाजा. मिश्रण सारखे चमच्याने हलवत राहा.

आता त्यात हळद व तांदूळ टाका आणि मिश्रण एकजीव करा, ३ ते ४ मिनिट मंद आचेवर ठेवा सारखे चमच्याने हलवत राहा जेणेकरून तूप तांदळाला लागेल.

      आता त्यात नारळाचे दुध आणि चवीला मीठ घाला. मिश्रण ढवळून एकजीव करा व एक उकळी काढा.

पॅनला घट्ट झाकण बसवून मंद आचेवर अंदाजे २५ मिनिटे भात शिजवा. नारळाचे दुध भातात शोषले जाईल.

बारीक चिरलेली कोथिंबीर पसरवून आमटी किंवा सांबार बरोबर गरम गरम सर्व करा.