साहित्य
१ कप बासमती तांदूळ,
१ कप कोवळी कणसे ( बेबी कॉर्न ),
१ कप हिरवे वाटाणे,
अर्धा टी स्पून जिरे,
अर्धा टी स्पून मोहरी,
१ टेबल स्पून लिंबाचा रस,
२ टेबल स्पून तेल किंवा तूप,
१ टी स्पून साखर,
१२ ते १५ काजू तुकडे केलेले.
कोथिंबीर आवश्यकतेनुसार,
मीठ चवीनुसार.
मसाला
१ टी स्पून लाल तिखट पावडर,
१ टी स्पून सांबार मसाला,
अर्धा टी स्पून गरम मसाला,
पाव टी स्पून हळद,कृती
एका खोलगट पॅन मध्ये तूप गरम करा. त्यात काजू घालून मध्यम आचेवर भाजून घ्या. काजू बाजूला काढून ठेवा. आता जिरे, मोहरी त्याच पॅनमध्ये टाकून भाजून घ्या. मोहरी तडतडू द्या.
आता त्यात कणसे, हिरवे वाटाणे आणि सर्व मसाले टाका व एक मिनिटभर मिश्रण भाजा. सारखे हलवत राहा. आता त्यात तांदूळ व आवश्यक तेवढे पाणी टाका आणि मिश्रण ढवळून एकजीव करा. मंद आचेवर भात शिजू द्या.
भातात थोडे पाणी असताना त्यात कोथिंबीर, काजू व लिंबाचा रस टाका आणि मिश्रण एकजीव करा. झाकण लावून भात मंद आचेवर शिजू द्या.
गरम गरम भात लोणच्याबरोबर सर्व करा.
No comments:
Post a Comment