साहित्य
२ वाट्या साबुदाणा,
१ वाटी घट्ट दही,
३ वाट्या ताक,
४ ते ५ हिरव्या मिरच्या,
१ वाटी ओल्या नारळाचा चव,
अर्धी वाटी शेंगदाणे कूट,
१ टेबल स्पुन बारीक चीरेलेली कोथिंबीर,
२ टी स्पून जिरे,
अर्धा टेबल स्पून तूप,
साखर आवडीनुसार,
मीठ चवीला.
कृती
साबुदाणा मंद आचेवर अर्धा मिनिटभर पॅन मध्ये भाजून घ्या. एका खोलगट भांड्यात ताक घेऊन त्यात हा साबुदाणा घाला ( ताक आवश्यकतेनुसार कमी किंवा जास्त वापरा ). साधारण एक तास ठेवल्यावर साबुदाणा फुलून येईल. तो चमच्याने मोकळा करा. त्यात शेंगदाण्याचे कूट घाला व मिश्रण एकजीव करा.
आता एका पॅन मध्ये तुपात बारीक चिरलेली मिरची व जीऱ्याची फोडणी करून ती साबुदाण्यावर घाला व मिश्रण हलवून सगळ्या साबुदाण्याला लावा.
साबुदाण्यावर घट्ट दही आणि ओल्या नारळाचा चव घाला आणि बारीक चिरलेली कोथिंबीर पसरून सर्व करा
No comments:
Post a Comment