टोमॅटोची भाजी

साहित्य 

अर्धा किलो पिकलेले टोमॅटो,

पाव किलो शिमला मिरची,

पाव किलो कांदे,

१ टी स्पून लाल तिखट,

अर्धा टी स्पून धने पावडर,

अर्धा टी स्पून जिरे पावडर,

२ टेबल स्पून तेल,

२ टी स्पून साखर.

कृती 

एका भांड्यात पाणी उकळा. त्यात टोमॅटो व शिमला मिरची २ ते ३ मिनिटांसाठी बुडवून भांड्यावर झाकण लावून ठेवा. नंतर थंड पाण्याच्या धारेखाली धरून थंड करा व त्यांची साले काढून घ्या. आता कांदे, टोमॅटो,

आणि शिमला मिरचीचे उभे काप करून घ्या.

        एका खोलगट पॅन मध्ये तेल तापवून त्यावर वरील भाज्या व कांद्याचे काप टाका. आता त्यात धने-जिरे पावडर आणि लाल तिखट टाका. चवीला मीठ टाका व मिश्रण एकजीव करा. झाकण लावून २ ते ३ मिनिटे मंद आचेवर भाज्या शिजू द्या. साधारण शिजल्या कि त्यात साखर टाका. भाज्या शिजून त्यांचा रस दाट झाला की पॅन उतरा.

चपाती बरोबर सर्व करा.