साहित्य
२ वाट्या गव्हाचा (लापशी) रवा,
पाव वाटी शेंगदाण्याचे कूट,
२ मध्यम आकाराचे बटाटे,
१ मिरची बारीक चिरलेली,
१ टेबल स्पून कोथिंबीर बारीक चिरलेली,
१ टी स्पून जिरे,
२ टेबल स्पून तेल,
१ टेबल स्पून लिंबाचा रस,
साखर आवडीनुसार,
मीठ चवीला.
कृती
थोड्या तेलावर रवा खरपूस भाजून घ्या वास आला कि थांबा. एका खोलगट पॅन मध्ये तेल गरम करा त्यात मिरची बारीक चिरून व जिरे टाका. बटाटे बारीक चिरून त्यात टाका. एक वाफ काढा. आता त्यात साखर व मीठ घाला. शेंगदाण्याचे कूट घालून मिश्रण हलवून एकजीव करा. आता त्यात गव्हाचा रवा टाका. हलवा व मिश्रण एकजीव करा. आता त्यात अंदाजे गरम पाणी ओतून झाकण लावा. मंद आचेवर मिनिटभर शिजवा व एक वाफ काढा.
गरम गरम खिचडी लिंबाचा रस टाकून सर्व करा.
No comments:
Post a Comment