साहित्य
अर्धी वाटी मुगडाळ,
एक जुडी पालक,
अर्धा टी स्पून हिंग,
अर्धा टी स्पून हळद,
एक टी स्पून मोहरी,
३ ते ४ कडीपत्ता पाने,
एक टी स्पून जिरे,
एक टी सून आले पेस्ट,
एक टी स्पून लसून पेस्ट,
पाव वाटी बारीक केलेले ओले खोबरे,
हिरवी मिरीची आवडीनुसार,
कोथिंबीर आवडीनुसार,
गुळ अंदाजे,
मीठ अंदाजे,
कृती
मुगडाळ थोडावेळ भिजवावी ( अर्धा तास ). पालक बारीक चिरून त्यात मुगडाळ घालावी व मिश्रण कुकरला लावावे. ४ ते ५ शिट्या काढून घ्याव्यात. नंतर हे मिश्रण चांगले घोटावे.
आता एका पॅन मध्ये थोड्या तेलात मोहरी, हिंग, हळद आणि कडीपत्ता यांची फोडणी करावी. हि फोडणी पालकाच्या मिश्रणावर ओतावी.
आता जिरे, ओले खोबरे, कोथिंबीर, आले पेस्ट, लसून पेस्ट आणि मिरची यांची मिक्सर मध्ये वाटून बारीक पेस्ट करावी. हो पेस्ट पालक मिश्रणात घालावी. चवीस गुळ व मीठ घालावे. मिश्रण एकजीव करावे.
मंद आचेवर एक उकळी काढावी.
गरम गरम पालक भाजी, रोटी किंवा भाकरी बरोबर सर्व करावी.
No comments:
Post a Comment